Y Gododin: A Poem of the Battle of Cattraeth Part 7

Lx.x.xII.

Cara.s.swn disgynnu yg catraeth gessevin Gwert med yg kynted a gwirawt win Cara.s.swn neu chablwys ar llain Kyn bu e leas oe las uffin Cara.s.swn eil clot dyfforthes gwaetlin Ef dodes e gledyf yg goethin Neus adrawd gwrhyt rac G.o.dodyn Na bei mab keidyaw clot un gwr trin

Lx.x.xIII.

Truan yw gennyf vy gwedy lludet Grodef gloes angheu trwy angkyffret Ac eil trwm truan gennyf vy gwelet Dygwydaw an gwyr ny penn o draet Ac ucheneit hir ac eilywet En ol gwyr pebyr temyr tudwet Ruvawn a gwgawn gwiawn a gwlyget Gwyr gorsaf gwryaf gwrd yg calet Ys deupo eu heneit wy wedy trinet Kynnwys yg wlat nef adef avneuet

Lx.x.xIV.

Ef gwrthodes tres tra gwyar llyn Ef lladei val dewrdull nyt echyn Tavloyw ac ysgeth tavlet wydrin A med rac teyrned tavlei vedin Menit y gynghor men na lleveri Lliaws ac vei anwaws nyt odewyt Rac ruthyr bwyllyadeu a chledyvawr Lliveit handit gwelir llavar lleir

Lx.x.xV.

Porthloed vedin Porthloed lain A llu racwed En ragyrwed En dyd gwned Yg kyvryssed Buant gwychawc Gwede meddawt A med yuet Ny bu waret An gorwylam Enyd frwythlam Pan adroder torret ergyr O veirch a gwyr tyngir tynget

Lx.x.xVI.

Pan ym dyvyd lliaws pryder Pryderaf fun Fun en ardec Aryal redec Ar hynt wylaw Ku kystudywn Ku cara.s.swn Kelleic faw Ac argoedwys Guae gordyvnwys Y emdullyaw Ef dadodes arlluyd pwys ar lles rieu Ar dilyvyn goet Ar diliw hoet Yr kyvedeu Kyvedwogant ef an dyduc ar dan adloyw Ac ar groen gwynn goscroyw

Lx.x.xVII.

Gereint rac deheu gawr a dodet Lluch gwynn gwynn dwll ar ysgwyt Yor yspar llary yor Molut mynut mor Gogwneif heissyllut gwgynei gereint Hael mynawc oedut

Lx.x.xVIII.

Diannot e glot e glutvan Diachor angor ygkyman Diechyr eryr gwyr govaran Trin odef eidef oed eiryan Ragorei veirch racvuan En trin lletvegin gwin o bann Kyn glasved a gla.s.su eu rann Bu gwr gwled od uch med mygyr o bann

Lx.x.xIX.

Dienhyt y bob llawr llanwet E hual amhaual afneuet Twll tall e rodawr Cas o hir gwythawc Rywonyawc diffreidyeit Eil gweith gelwideint a mallet Yg catveirch a seirch greulet Bedin agkysgoget yt vyd cat voryon Cochro llann bann ry G.o.dhet Trwm en trin a llavyn yt lladei Garw rybud o gat dydygei Cann calan a darmeithei Ef gwenit adan vab ervei Ef gwenit adan dwrch trahawc Un riein a morwyn a mynawc A phan oed mab teyrn teithyawc Yng gwyndyt gwaed glyt gwaredawc Kyn golo gweryt ar rud Llary hael etvynt digythrud O glot a chet echyawc Neut bed garthwys hir o dir rywonyawc

XC.

Peis dinogat e vreith vreith O grwyn balaot ban wreith Chwit chwit chwidogeith Gochanwn gochenyn wyth geith Pan elei dy dat ty e helya Llath ar y ysgwyd llory eny llaw Ef gelwi gwn gogyhwch Giff gaff dhaly dhaly dhwc dhwc Ef lledi bysc yng corwc Mal ban llad llew llywywc Pan elei dy dat ty e vynyd Dydygei ef penn ywrch pen gwythwch penn hyd Penn grugyar vreith o venyd Penn pysc o rayadyr derwennyd Or sawl yt gyrhaedei dy dat ty ae gicwein O wythwch a llewyn a llwyuein Nyt anghei oll ny uei oradein

XCI.

Peum dodyw angkyvrwng o angkyuarc Nym daw nym dyvyd a uo trymach Ny magwyt yn neuad a vei lewach Noc ef nac yng cat a vei wastadach Ac ar ryt benclwyt pennawt oed e veirch Pellynic e glot pellws e galch A chyn golo gweir hir a dan dywarch Dyrllydei vedgyrn un mab feruarch

XCII.

Gueleys y dull o bentir a doyn Aberthach coelcerth a emdygyn Gueleys y deu oc eu tre re ry gwydyn O eir nwython ry G.o.dessyn Gueleys y wyr tylluawr gan waur a doyn A phen dyuynwal vrych brein ae knoyn

XCIII.

G.o.dodin gomynnaf oth blegyt Yg gwyd cant en aryal en emwyt A guarchan mab dwywei da wrhyt Poet yno en vn tyno treissyt Er pan want maws mor trin Er pan aeth daear ar aneirin Mi neut ysgaras nat a G.o.dodin

XCIV.

Llech llefdir aryf gardith t.i.th ragon Tec ware rac G.o.dodin ystre anhon Ry duc diwyll o win bebyll ar lles tymyr Tymor tymestyl tra merin llestyr Tra merin llu llu meithlyon Kein gadrawt rwyd rac riallu O dindywyt en dyuuwyt yn dyvuu Ysgwyt rugyn rac doleu trin tal vriw vu

XCV.

Dihenyd y bop llaur llanwet Y haual amhal afneuet Twll tal y rodauc Cas o hir gwychauc Rywynyauc diffret Eil with gwelydeint amallet Y gat veirch ae seirch greulet Bit en anysgoget bit get Uoron gwychyrolyon pan ry G.o.det Trwm en trin a llain yt ladei Gwaro rybud o gat dydygei Gant can yg calan darmerthei Ef gwenit a dan vab uruei Ef gwenit a dan dwrch trahauc Un riein a morwyn a menauc A chan oed mab brenhin teithiaug Ud gwyndyt gwaet kilyd gwaredawc Kyn golo gweryt ar grud hael etvynt Doeth dygyrchet y get ae glot ae echiauc Uot bed gorthyn hir o orthir rywynauc